上海婆婆 之 dinner time

上次去過上海婆婆食甜品 and 小食, 今次終於有機會食夜飯了!
因為 6 點半就去拎飛的關係, 所以等左大約 20mins, 就有位 lu
呵呵 真係美好

*入坐個陣 waitress 講到明, 只可以食個半鐘, woo.....
可能太多人等位的關係喇
証明左"婆婆" 係唔適合比大家吹水 ge 地方

冬菇毛豆炒素雞
簡簡單單一味小菜
但又幾好味wor

糖醋魚塊
我好鐘意甜甜酸酸 ge 野...hahaha
所以次次去食京滬菜, 都必點的
爸爸話好鬼酸, 哈哈

素餃
我無食到, 所以comment 唔到佢, haha
不過媽媽話幾好味, 好足料wor

樟茶鴨 (半隻)
真係一睇都唔覺得有半隻
呢味真係麻麻地....d 肉好乾身, 又"鞋"

其實婆婆入面 ge 菜式, 都係細細碟, 而且價錢唔算平

個人覺得翡翠拉麵小籠包會平少少

不過婆婆就多 d 款揀

可能婆婆比較新 d, 所以我想再試多幾款先, hehe

上海婆婆 Shanghai Po Po

地址 :

屯門屯隆街3號屯門市廣場一期3樓3207舖

電話 : 2618 3708

類別 :

滬菜 (上海)、中菜館、中式包點

消費 : $41-$100

甘薯薑湯

見到 "甘薯薑湯" 呢 4 個字, 都以為係番薯糖水 (美化了)
但原來... 呢味係 7 仔最近的新產品, 哈哈
番薯糖水雪條 !
一見到就忍唔住買返屋企食.....哈哈
太搞笑了



$9 / 2pcs

我只係食到少少甜味 & 少少薑味
番薯呢 ? 去了那兒啊~~



東海海鮮酒家-壽包

正打算就寢 ge 時間, 剛剛去完飲ge 媽媽就返黎la. 重要一返到黎話有正野益我, 原來係壽包!
明明已經成12點幾, 明明已經刷左牙, 但不敵食魔ge 引誘

黎到返黎重係暖ge~ 但係個貌相就唔太得

比個袋焗住, '巢'晒皮, 好ugly

撕開一半, 嘩~蓮蓉入面有個勁大個蛋黃, 不過我唔鍾意食蛋黃

所以我食左呢一邊, 雖然勁多油, 但係熱熱都都幾好食, 不過如果冇咁甜會重好d !

咁夜又食埋d 咁ge 肥野, 肥爆!

太子餅店 + mcdonald 蕃薯批

又係我地上學去ge 時間la~, 今日我地又 買dessert 黎做我地ge 晚餐, 由於早左少少走, 可以行遠少少去買下野食, 開頭打算去西九food court 買野食, 但係0個到d 環境...令人唔會想買, 最後去左一間我地未試過ge 太子餅店 試下 先 ..

原來有5間分店

 

芒果撻

甘粟巴菲

橫切面

其實麻麻地... 好似放左一段時間... 唔太新鮮...個puff 好似漏左氣咁. 一d 都唔脆同埋鬆軟. 粟子味okay...但唔係好食...(唔能夠幫唔鍾意食粟子蓉ge 兔仔平反) 所以唔使試下次

地址 :

深水埗欽州街37號西九龍中心地下G02號舖 電話 : 2726 2870

鉅記紫菜肉鬆鳳鳳卷

前排媽媽到澳門走一趟, 知道我為食~ 買左紫菜卷塞住我把口haha~ 其實宜家同圍都係鉅記, 就連hk 都開左分店, 上次同兔仔睇過, 冇記錯係比澳門貴d ge!

我記得細個0個時, 鉅記其實冇宜家冇出名ka, 可能拍左 "十月初五的月光" 加埋ar 蔡蘭叔ge 廣告效應, 咀香園以前ge 風光已經比佢'come' 晒lu ~~ 其實我覺得味道差唔多, 不過有得選擇我2間都唔選擇 , 我都係鍾意d 沉實 d ge 香記多d :d , 但係鉅記真係周圍都有, 質數又唔係差, 所以抵咁多人去買~~

鉅記紫菜肉鬆鳳凰卷

一盒有3條, 一條有5塊

覺得今次冇之前咁好食(冇咁鬆脆, 面對肉鬆少左), 唔知係咪唔夠新鮮, 呢盒係起威尼斯人入面買, 成日覺得唔係響手信街買, 始終d 貨去得唔快, 冇咁新鮮~

但係一開左~ 個口non stop咁食晒~ 真係要學下點樣節制 !! 

零食天地 合桃

考試將至, 係時間又要搵食黎令腦筋靈活下la~ 坊間成日話合桃補腦, 前排家姐起元朗真係買左包合桃比我補一補, 唔知係咪真係work 呢~

核桃中的磷脂，對腦神經有良好保健作用。核桃油含有不飽和脂肪酸，有防治動脈硬化的功效。

核桃仁中含有鋅、錳、鉻等人體不可缺少的微量元素。人體在衰老過程中鋅、錳含量日漸降低，鉻有促進葡萄糖利用、膽固醇代謝和保護心血管的功能。核桃仁的鎮咳平喘作用也十分明顯，冬季，對慢性氣管炎和哮喘病患者療效極佳。可見經常食用核桃，既能健身體，又能抗衰老。有些人往往吃補藥，其實每天早晚各吃幾枚核桃，實在大有裨益，往往比吃補藥還好。

買返黎係連埋個殼, 要自己meet ge~

$28 大大包 非常抵食

但...岩岩 search 到...100克的可食部分ge 合桃約可提供630仟卡的熱量，相當於白飯熱量的3到4倍, 都係唔好食咁多 la~過下口癮好la!

黑松茶花綠茶(無糖) & 伊藤園濃味綠茶

唔知係咪飲得太多珍珠奶茶, 又睇得太多報道講到呢d 飲品對身體無益, 呢排轉型, 飲返茶~~~

貪新鮮ge 我,見到呢排7-11 又出左新綠茶梗係一試la !

其實我都幾鍾意飲綠茶ka, 因為我飲完茶係好易訓唔著, 而咁多隻茶類入面, 比起其他茶, 綠茶相對黎講刺激性冇咁高, 飲完都訓到,(咖啡OR 茶鹼因少D ) , 而且我好鍾意佢陣味, 所以我都好鍾意食綠茶味ge 雪糕^^

黑松茶花綠茶(無糖)

見佢個包裝有張sticker 話咩 銷售no.1 ,嚴選最高級正宗日本茶花 2 倍100mg, 又見到佢登場, 買黎try 下先!

佢呢隻係好重茶花味ge 綠茶, 本身我係唔鍾意飲好濃味花味ge 茶, 因為覺得好俗, 唔鍾意! 我係by 好清幽 0個隻味! 而呢就就係LA!

藤園濃味綠茶(oi ocha dark green tea)

見到佢寫明係natural catechin 360 mg (天然兒茶素360 mg), ng~ 真係好濃咪係綠茶味

2隻都我都好鍾意~ 出街唔想飲水, 健康之選!

宜家7-11 引入左好多日本ge 新零食, 為食ge 我地睇黎有排試:D

小曼谷 > 豪華餅家> 金滿堂

今個星期5 不用上學, 明天又HOILDAY ~ 我當然又"借家依"又美食一番~ 黎個HAPPY FRIDAY!
今次相約朋友以還遮為名, 食野為由, 去左九龍城食野LA!
其實有一年我都起呢頭返學... 都知道0個到頭有好多野食, 特別係泰國食肆.


今次我地簡左LEI 間泰國餐廳 小曼谷泰國美食. 開頭諗住今日星期5 應該都要等一等位KA LA~點知去到拎飛, 等左1MINS 都冇佢就叫我地過對面馬路0個間鋪頭LA~ 發覺佢地D 出名D GE 餐廳都會起自己附近開多幾間鋪, 避免D 客人冇耐性等.

餐具, 見唔見到佢個名?

蒜蓉包

唔錯, 焗得幾脆, 但掛住吹水, 放左唔夠30 MINS, 再食已經 好快就'UN' 左;S

泰式菠蘿雞肉炒飯 $ 40 (另有牛/豬選擇)

個飯底係用咖哩炒,唔錯幾好食~入面食到好多蛋絲, 上面鋪左一層肉鬆, mix埋一齊食個味好夾，發覺(肉鬆x咖哩味)係好組合黎 !不過最唔好係有我地最唔鍾意GE青豆,蘿白,粟米粒起入面! 我朋友好憎食提子乾~ 所以我地費左好多時間先西走晒D '三色粒'!!

芝士蝦丸

一上碟...比佢嚇一嚇~ 嘩! 咁大粒ge!

haha 我為蝦丸揭開新秘面紗!!!...入面就係有D溶左ge 芝士la..有d 似食梗pizza huts扭扭脆批d 芝士

呢粒蝦丸其實都幾真材實料, 因此蝦味十足~ 而且非常彈牙,再點下佢提供酸辣醬, 感覺上減少左芝士帶黎溜溜ge 感覺,  不過都炸得幾油下

就黎食到尾聲, 朋友食埋ge 時間 發現粒芝士已經變返固體, 睇真d 都幾嘔心而且幾油.. 所以健康著想都係唔好食la!

雞串 &牛串 $9/串 (左下係點蝦丸酸辣醬, 左上係點串燒ge 沙嗲醬)

雞串唔錯~ 燒得幾好食, 雞肉幾嫩

牛串我0個串就冇咩問題, 係難咬dd, 但 我朋友0個串好多筋, 見佢食得好辛苦

不過最值得讚係佢個沙嗲汁, 無論串肉好唔好食, d 汁就係靈魂所在, 我地因為d 汁, 就算舊牛有幾un 都要食晒佢lo, (我重見到我隔黎0個臺個男人拎個包蒜蓉包黎點個汁食lo~)

大合照( 可見到蝦丸ge大大比例)

埋單$168 都okay , 不過環境就好麻麻, 地方好窄, 同埋張枱好細張,,所以建議叫野食,想叫多ge 時候, 分開幾round 叫好d~ 唔係放唔晒!

地址 :

九龍城南角道8-10號

電話 : 2716 7828

包點先生

最近迷上左包點先生.................的點心!
hahaha
特別係牛肉球 and 豬肉燒賣
有d 似酒樓食 ge 味道
就好似.....就算唔係飲茶, 都食得到個種感覺
哈哈

所以今日買工忍唔住, 特別要行一行去買返屋企食
(明明屋企已經開飯, 哈哈哈)



加左辣油更加正正正
牛肉球 $10 / 4pcs
豬肉燒賣 $10 / 4pcs
(因地區性關係, 我見過第二到唔同數量, 原因不明@@)



奇趣餅家

前日經過花園街, 見到好耐冇幫襯ge 奇趣餅家, 我記得以前街成日都買佢個紅豆燒餅, 今次見到佢d 合桃酥好似放得幾靚所以買左黎做早餐食(肥死),!

買返黎, 合桃酥重有少少暧, 忍唔住met 左少少黎食tim :D

合桃酥 & 老婆餅(咸) $ 5 FOR 2

開頭只打算買一個合桃酥..唔知係咪趕住收工, $ 5/2 個, 見咁平咪買多個老婆餅

合桃酥...好鬆脆~ 面且接受到佢LEI 隻甜度, 重點係$2.50 咁平, 勁抵食!

老婆餅(咸) 麻麻地, 可能係我唔鍾意食0個種味, 所以 放棄左LU, 今次原本想買燒餅返屋企ka, 因為我mami 好鍾意食, 點知冇lo!

下次再黎買過!!

地址: 旺角花園街 135 號地下

電話: 2394 1727



休閑 holiday * 唱k * 甜品 * 小食

呵呵, 黎到星期 6 緊係要好好 relax ! 今日就約左朋友 Y 唱 k shopping 加 甜品!
整日 ge 行程密到透唔到氣....hahaha! 但又好開心, 過左一個勁有意義的星期六
好耐都無試過星期 6 10點幾起身, 早起身 d 時間真係好好用呢

重拾中學時的青春, 我地去左唱 k lunch
以前唱 k lunch 最平最平係 20幾蚊 ~ 30幾蚊
而家 ?! $58 加一
雖然有幾款 lunch set 揀, 不過賣相吸引 d ge, 就要加錢
幾鬼過份, 哈哈
為左自己肚皮著想 wor, 我地揀左個鐵板餐
對 neway ge 食物真係唔好有要求, 可以放到入口已經好安慰了, hehe

鐵板雞脾餐 (燈光太暗了)
仲有粟米 & 咖哩魚旦任食  hehe

可能得 2 個人 ge 關係, 唱左兩個鐘就走了....好唔夠候 lor
我地 d twins 呀...千嬅呀...岩岩先開始咋ma
獨市之後, 真係特別討厭呀  haha
口乾乾想飲返杯奶茶, 朋友話 ComeBuy 好飲, 一離開 neway 對面就有了! so good
*唔留意都唔知道, 原來 tsuen wan total 有 3 間 ComeBuy (以我地所見) 真係誇張
仲有 2 間歇腳亭 (我地覺得唔好飲) 日出茶太, 貢茶.... 真係多到你唔信

試過之後, 都係覺得 大卡斯 最好飲
因為大卡斯 ge 奶茶好香好滑, 薑味亦都恰恰好

行完 tsuen wan, 我地轉移到 kwai fong, 千萬唔好睇少女性 ge 購物力
有時真係嚇到你唔信, 連我自己都唔信....hahahaha 好爛 XD
kwai fong 有個好 good ge 地方, 就係葵芳廣場最上層, 有好多間小食店
好似一個迷你 ge 掃街熱點
不過今日肚仔仲有d 唔舒服...所以我都唔敢食咁多野
連牛雜, 魚旦, 夾餅...通通唔敢掂住呢


 膽粗粗情況下, 見到有間串燒店, 幾吸引wor! 就一串try try 呢, 呵呵

價錢分 4 種
最低一層 $6 per 2 串
中間一層 $6 per 1 串
最高一層, 由右至左分別 $7  $8  $9
司華力腸 $9 都算平呀

老闆娘手忙腳亂中
親力親為 so good 呀

連續行左 5 個鐘, 大家對腳都斷咁制
去左仙跡岩搵d 小食咬下, 仲可以坐下 tim
諗起以前中學時期, 覺得仙跡岩好貴, 因為一杯飲品都 20幾蚊, 唔捨得架. 哈哈

大塊雞 $19
辣味唔太夠



滷水蛋 $11
賣相麻麻地 不過幾入味

離開 kwai fong 之後, 我地竟然返 tsuen wan!
點解呢? 因為.....hehe
因為我地要去 "五代同糖" !! 今日 ge 重頭戲
估唔到除左 tst 之外, 呢到都有分店架
簡直係一個 surprise
上次土仔食完打左blog 介紹, 今次輪到我啦  呵呵

店內環境

張枱設計好得意!!
比到一種 relax ge 感覺人
好似一邊玩, 一邊享受甜品

五代同糖精選
雞蛋布丁 (我覺得奶味好重, 食左一啖已經 say no了...)
朱古力雪糕 (有d 朱古力碎粒, 味道唔錯!! good)
心太軟 (外皮超軟身, 有入口即溶的感覺, 真係好好味, 同朋友超級大讚)
蘋果脆脆 (的確好脆脆, 下面仲有好多暖粒粒 ge 蘋果肉, 唔錯! 幾好味)


見唔見到下面有蘋果肉? haha
其實仲有好多架

睇住d 朱古力流出黎, 真係好興奮, 哈哈哈
朱古力漿暖暖的, 再配埋軟身外皮, 真係一流
*重點推介*

食到飽一飽, 望望時間, 21:10

嗯嗯! 差唔多要起行! 究竟我地要去邊咁緊張呢?
嘿嘿...因為 mrs feild 21:30 開始做特價
我地又點可以錯過呢個難得機會呢 !!! 呵呵呵呵呵....

終於到 21:30 !!
我地今次排第二呀, 好好彩, 好開心呀, 哈哈
因為望到櫃檯入面, 仲有好多比我地任揀呢, 呵呵

收獲 1
草莓鬆餅 (好似過份鬆身, 咬一啖已經散咁, 草莓亦都幾甜)
雙料朱古力 (硬身少少, 朱古力味好重好正)

::: 左起 :::
 雙料朱古力
果仁特韌
提子果仁

忘記了一件重要的 jet so 事要介紹下!!
馬莎小食現在有 discount !!
指定小食中, 三件以上有 85 折
yeah
以下係收獲之一....hehe

*朱古力並不包括 85折 的貨品中*
只係做緊特價 $16
夠哂苦味的朱古力, 朋友同我超喜歡

呢兩隻餅就有 85折 優惠了
麥餅未食過, 今次可以 try try
茶餅已經變左我的喜愛, 換左包裝 wor