為慶祝本小姐last day ge 2x歲~ , 今日就同左屋企人一齊慶祝~ 搵搵搵~搵新野黎~ 就搵左lei 間 一d 都唔出名ge 廣東茶居, 其實佢起海港城ge 港威入面, 都算成日經過都未聽過, 真係好隱世wo ~~ 其實佢唔算太難搵, 佢係起city super 再行入d 就係ka la~ 因為見到blog 有人打佢d dessert okay(重點係紅豆冰)~ 所以就試試^^
入到去一坐~ 我只係早左2日book 位, 佢地好好安排左一張有少海景ge 圓臺比我地~ 估唔到佢地lei 個咁靜位都有少少海景睇~ ,其實佢得好少係圓臺, 大部份都係長臺黎ge~ 咁食中菜~覺得坐返圓臺好d , 舒服d~ 講野都方便d :)
左睇加睇~最後冇order set, 始終散叫岩心水d~ 而且今次黎我ge target 係 紅~豆~冰~ 所以order 左
原汁柱侯牛筋腩 $88
聽到個名已經流晒口水la~ 一上菜~個貌相整得好得~牛腩同筋都炆得好入味好林, 而且碟面有好多汁加埋d 菜, 索埋d 結結ge 牛肉汁一齊食~ 好正ar !!
上湯豬潤浸聖瓜 $88
平日我mama 地食豬潤~ 但見到個菜幾special, 而且其中一個家姐好鍾意食豬潤, 所以就試試, 豬潤冇平日出街食0個d 咁腥, 而且都幾爽口~ 聖瓜煮得岩岩好~唔會太林亦都唔會太硬~ 重索左少少豬潤味 tim~ 媽媽重飲左2啖d 湯~ 佢話好入味wo
家鄉墨魚餅 $88
睇真d 有d似炸鯪魚球
隔左一陣放入口, 重覺得好熱~的確幾新鮮~一咬落去~ wow ! 好足料ar~ 入面有好多唔知係西芹定係蔥~ mix 埋墨魚肉~ 口感好爽,彈牙~唔錯! 好味~ 夠足料~
冰梅烤小骨 $78 (很喜歡這隻碟, high tea 一流 )
見到網上很多人讚的其中一個小菜~ 只聽名字已經吸引~~ 味道酸酸甜甜, 有點像糖醋排骨~ 送飯一流 :p
炸子雞(半隻) $160
其實得半隻雞~我覺得幾貴~ 但見到佢係招牌菜~ 而且我大壽, 就order 隻雞黎賀一賀佢la :) 炸子雞其實將隻雞用滾油淋熟佢~所以佢ge 精華就係佢塊脆卜卜ge 皮, 而雞肉~就係好嫩
雖然只係得半隻, 但其實都幾多下~ 隻雞都幾厚肉~ 都唔錯~ 但又未至於勁好食 !
蟹肉瑤柱蛋白炒飯 $98
見到周圍食客都有order 一碟飯, 我地觀察左好耐, 隻隻飯都好似好好味, 而且好大碟~ !!
好足料lei 個飯, 飯同餸 ge proportion 係1: 1 差不多, 食落好多蛋白, 同埋真係有蟹肉~ 加埋少少蔥有少少咬口 ! 唔錯 !!
食到差唔多~ 要order 第2輪la :)
睇左人地blog 見到明明有個甜品係唔知咩芋條ka !?但搵左好耐都搵唔到, 所以就問waitress 哥哥~ 先知原來lei 個甜品係隔黎間餐館, 問佢可ng 可以order, 佢話當然可以la~因為原來2間餐館都係同一個老闆黎ka原來!~但就要分開2張單埋單~ 有得食~冇問題 ~~
所以2本menu 同步order 都冇問題~~
反沙芋條 (8件) $64
個形狀有d 平日我地食 ge 樂家杏仁糖 ~ 不過lei 個4邊都係用糖包住條芋頭條~跟住拎去炸~ 我地都覺得太甜~ 跟住我地自己met 走2邊ge 糖~ 甜度就岩岩好la~ 呢個中式甜品幾得意~ 唔錯 !!
當然~~唔少得比佢吸引而黎ge...
雪糕紅豆冰 $42
其實一間中式餐廳有紅豆冰叫, 都幾奇怪 ~ 但係見到一個出名blogger 讚口不絕~點可以唔叫~ 而且佢lei到ge 環境, 令你安心order, 唔怕飲完肚仔痛:p 點解佢咁吸引lei !? 因為佢ge 雪糕係用左日本milk top ge 牛奶雪糕, 紅豆用左北海道十勝紅豆, $42一杯聽落好似好貴~但味道同用料~ 覺得值ge !
紅豆真係好大杯~ 好林, 雪糕忍唔住食左啖~ 好牛奶味~ 好唔捨得將個雪糕整溶mix 落紅豆到(因為咁樣先可以飲到< 紅豆太大粒, 太結身la) 所以黎到一定要試ar!!
所以結果係....大家都飲得乾乾淨淨 :)
最後家姐買左個生日蛋糕~:)
入面係海綿蛋糕, 其實大家都已經食到好飽~ 好彩個蛋糕唔會好溜, 係好fresh ge 橙味, 平時我會唔鍾意食橙味ge 副產品ge 野食~ lei 間蛋糕ge 燈品, 出奇接受wo~ 可能因為佢隻橙味食得出唔係溝出黎0個種~ 而係好fresh ge 橙味~ 食食下重食到有一絲絲ge 橙皮~ 但蛋糕外圍個麵包就no good la~ 因為好un. 而且大家已經飽~所以大家都放棄左佢個蛋糕皮 :)
總括黎講這間茶館環境食物都唔錯~ serives 都好好~ 因為宜家好少地方唔使切餅費~ 但會幫你收好晒食飯ge 碟, 再開過d 新碟比你~個蛋糕重幫你吉埋candles~ 咁ge services 就算收左切餅費ge 餐廳都未必有, 梗何況係 $0 切餅
今天很滿足, 除左成功試到一間美味ge 新菜館之後~ 還有屋企人celebration ,為我last day 的2x歲畫上完美句號 :p osh!
地址: 海港城港威商場 3303 鋪
電話: 2613 9889
