廣成冰室 Guong Shing Ice Cafe

繼上次家姐外賣左個菠蘿油比我之後, 咁岩星期6~ 以接家姐放工為由,再去廣成食埋佢個紅豆冰~ 好8chi 我地當日分別打電話問人地幾多點有紅豆冰, 再約時間, 原來假日, 星期6紅豆冰供應時間係 2:00 , 大家下次去食記住時間la ;)

好少會黎到上水咁遠, 諗住有google map 就唔會當失路, 所以懶醒自己行去la~ 點知第一次行就行錯路.最後都係要打比家姐問路:s

入到去我家姐已經拎左位坐低左la~ 咁岩我地有卡位住~ 雖然地位真係好窄, 但係都算係乾淨,裝飾係好古式ge 茶餐廳, 宜家都好餐廳有lei 種風格, 估唔到地方咁隔涉都坐滿人客, 而且出面重有人等梗位,

我地order 左 2杯紅豆冰, 一個菠蘿油, 一個牛肉多
其實佢只係得一個常餐, 同埋平日茶餐廳散叫食物, 因為常餐不能加$ 轉紅豆冰, 所以我們唯有散叫

菠蘿油 $8

好快就有得食~ 不過已經一d都唔熱la~只係有微溫, 入面有一塊薄薄ge 牛油~ 夾住食~好creamy, 但食完好有罪惡感 :s

牛肉多 $ 20

佢應該個包塗左一層牛油再放牛肉, 所以個包都okay 油~ 好多牛肉~ 但這個未達到好好味ge level

期望已久紅豆冰 !!$16

冰柱係人手打出來的

當待應生放左臺上,嘩 !! 咁大杯ge!! 原來飲之前要 將紅豆同 淡奶mix 埋再督散冰柱,等佢慢慢融, 但係位野太靚la~勁唔捨得破壞咁靚ｇｅ　藝術品:s

因為佢支飲管係d 平時飲凍飲ge 飲管,同埋本身佢d 紅豆係勁大粒, 已經多紅豆到係結身 所以如果你唔整散條冰柱係冇可能吸到野上黎~開頭覺得一杯紅豆冰要$16 其實都都唔平~ 但飲完之後, 真係物有所值 !! 同埋真係好多紅豆, 飲完之後好飽好飽

最衰唔係成日都去到~ 唔知幾時再可以黎飲到 lei ?

地址:上水石湖墟新成路10號
電話: 2670 4501