生日慶祝之 廣東茶居

今晚同屋企人慶祝生日 ! :)
上一次見到小丸到了 廣東茶居, 有點吸引呢
我都認為同家人食飯, 應該要揀返中菜
咁樣先似一家人  haha

因為媽媽係素食者的關係, 所以今晚大部分菜式都以素為主
唔錯唔錯, 健康 d ma

南乳齋煲
故名思義, 所有材料都係素, 大大煲, 又燘得幾入味wor

甜甜酸酸的我, 當然不會放過 咕嚕蝦球
望落去好似好細碟, 但食下食下都幾飽肚
因為每隻蝦都唔野少呢 (大大隻!)

銀杏時菜
銀杏原來係白果, 改一改名即刻覺得高尚得多, 哈哈
腐皮十分新鮮入味
雖然時菜係底部, 但其實有好多好多.....

素丁炒飯
上枱時大家都嚇了一跳, 有無咁大碟先 ?!

整體黎講食物ok 架, 不過係估唔到...樣樣都係咁大碟呢
食到大家攬住個肚走人, 連甜品都無緣品嚐呢 :p