2011年4月30日

紅莓司康 Cranberry Scone

放假的日子.. 應該要悠閑地度過

突然忽發令人想嘆一個美味的下午茶

親手來動動這個美味又簡單的司康也不錯.. !



* 特別嗚謝小丸.. 你介紹的溫熱保礦力.. 真的真的很有效 !!
才一杯而已, 已經有氣力弄這個小點心   呵呵 *


食譜請參照 >> 紅莓司康



2011年4月26日

大喜屋日本料理


唔知發生咩事, 事隔4天, 又食日本野, 佳因慶祝朋友生日, 而生日朋友又想食日本放題, 所以就決定食大喜屋, 聽說大喜屋食物質數比起其他放題好, 而且地方比一般放題坐得舒服, 當然價錢會貴返少許:P

點單紙:佢分左8類: 刺身,壽司,沙律,小食,燒物,一品料理, 炸物,汽水
小食:汁煮東風螺
平日唔好lei 類食物ge~ 點知又okay wo!
有機沙律:西京刺身沙律
好鍾意佢芝麻ge 醬汁, 但佢d 刺身冇試

燒物: 鹽燒海蝦
冇咩特別~ 可能我唔好蝦
一品料理:雪花牛肉鍋
見到網上評價唔錯~ 所以order 左~點知真係唔錯~ 落左2隻蛋mix 埋牛肉加好多洋蔥做配料~而且入面係d 粗粗地好似粉絲ge 麵~ 唔錯!幾好食~ 不過有位朋友話個湯有甜味好怪, 但日本部份湯底係咁, 所以接受到~
燒物: 鹽瞥鯖魚
好普通ge 一舊魚~ 冇咩特別

一品料理:蒜片炒雞腎
原本唔諗住order, 點知又出奇好食wo~ 好蒜片味~ 而且雞腎又唔會好un 有d 咬口

一品料理:牛油煮青口
好好笑~ 咁多粒入面, 只係得2粒係有野食~ 其餘係d 吉青口黎ge~ 好彩我唔鍾意食ja

卷物: (左至右)
牛油果軟殼蟹反卷:唔錯~ 不過如果隻軟殼蟹d炸粉少返少少, 會重好d
火灸三文魚芝士卷:lei隻我同我朋友都覺得好唔錯~ 因為芝士真係同三文魚好match ! encore!
火炙鰻天卷:,嘩!!lei個好唔錯!! 又係我ge鰻魚!!lei 隻 鰻魚燒得岩岩好~ 又岩岩好取代到紫菜地位,包住舊sushi 好好味!
以上3隻卷大家都覺得唔錯! 因為細細件得黎~ 3隻口味都好岩食 !
燒物: 燒香草羊鞍
好少食羊, 所以唔知d 羊不過係肥定係點~ 羊肉好夠酥~ 唔錯~ 不過肥左少少

刺身盤:
三文魚:味道okay, 不過又係有我最唔鍾意ge 三文魚邊, 所以食左少少放棄左
甜蝦: 冇食到~但朋友強烈勁讚! 不過我唔食都睇得出比起平日放題0個d 大隻好多d 蝦
帶子:冇食到, 我朋友話mama, 睇得出丫~咁細粒 :p


壽司:
三文魚: 終於冇左0個塊三文魚皮, OK 唔錯
帶子&花竹蝦
幾欣賞佢唔會整大個飯令你快D飽,飯量細細地~ 唔錯
火炙壽司系列:
火炙三文魚皮(左上): 其實唔講我都唔知0個舊係三文魚皮黎, 只係食到一舊有魚味ge 魚
火灸帆立貝(左下): 因為火灸左, 所以食左~ 好似食梗北海道手信0個隻乾版帶子, mama地
火炙平目魚邊(左下6): 冇食到~ 朋友話okay wo
火炙海鰻(右): 好長ge 鰻魚, 但我喜歡上面0個個火灸鰻天卷多d, 因為我唔鍾意白sigsig ge 鰻魚, 我鍾意 燒到啡啡到0個隻多d~ 不過真係好長~所以d 都食唔少 :p
一品料理:黑椒汁炒牛柳粒
牛柳粒唔錯~不過個醬勁咸!!食左幾粒放棄

有機沙律:凱撒沙律
又估佢唔到, 日本野食有凱撒沙律, 又估唔到味道又okay wo !


有機沙律:蟹子沙律
冇食到~
round 2@火炙鰻天卷&火灸三文魚芝士卷
炸物:
芝麻雞翼:唔錯幾好食~ 我覺得有d 似譚仔記d 土匪雞翼, 不過唔辣版本
吉列墨魚餅:估唔到lei 好食wo!! 唔係我想像中好似平日茶樓0個隻普通墨魚餅, 入面係好似龍利柳咁滑ge 魚黎~有驚喜 ~
紫香蘭絲網卷: 聽個名好似好靚咁, 原來入面係係日本ge 紫芋頭, 出面係好似平日食越南野0個d 網紋春卷, 味道唔錯~不過一舊好la,有d溜

橫切面的紫香蘭絲網卷

round2 火炙海鰻: 唔知邊個自作聰明, 點左勁多我maam地白色鰻魚比我~ 其實我好飽


一品料理:蟹粥
又估佢唔到又okay wo! 不過好飽肚lo!

炸物: 芝麻雞翼,吉列墨魚餅,天婦羅蝦
一品料理:牛油炒粟米
雖然好普通~ 但大家都好鍾意食

燒物:鹽燒雞翼
好普通灑左少少粗鹽ge 咸味雞翼

一品料理:牛肉湯烏東
烏東好滑ar!!唔錯 ~ 不過lei d 好飽肚*0*
燒物: 燒雞軟骨
冇咩特別

燒物: 牛油雞脾菇

燒物: 鹽燒牛舌
平時我應該係食牛舌, 但...唔知點解今次lei 舊唔知係咪切到真係好似拎住牛條舌黎食, 唔太食得落...咬左一啖 放棄左

食到last , order返d 水果清一清sin

同其實日本餐廳一樣~ 結帳時會送上一杯雪米chi

點知埋單先知道係 $178 each ppls+10% 咋 ! 唔知關唔關日本核爆事件事, 所以平左 ? 定係今日係星期2係平日, 所以平d ? 因為以我記憶, 之前係做梗200幾 一個人ka! 以食物質數, lei個放題價錢算抵wo! 同埋環境方面~算係坐得舒服, 唔會好似大吉,吉壽咁,同d 陌生日坐到勁埋~佢地大部份係卡位黎~ 不過我地見到一出lift, 0個到都放左2張木台, 如果坐0個到...真係有d 唔知知點lo~ 下下都比人望住~加上waitress 態度都okay, 同埋重有一樣野幾好就係, 唔似其他放題咁明明order 左 10件只係送上5件~你order10件真係會照order 做野~ 所以lei 間放題值得一試^^




地址 :   中環威靈頓街2-8號威靈頓廣場6樓
電話 : 3107 1117/ 3107 1112

2011年4月25日

霸王山莊 Kings' Lodge

食完個tea冇幾耐,今日mami 唔想 煮飯, 所以high tea 冇耐, 好快又dinner =.= 希望個胃消化得切la~
因為拎位ge 時候只係6點幾~所以好快就有位lu ~~

原本諗住散叫野食~因為我見到有好多野想食! 有糖醋魚ar!!
但又見到佢建行同埋 hsbc 都有 promotion ~面hsbc 0個個prmotion d 野食 睇落去係d 貴野黎~散叫平野=一set 貴野~ 當然order 個set la~
霸王小籠包(4個)
HSBC 二人餐(5折) $268
雙色拼盤
翡翠海皇羹
宮爆蝦球
京蔥燒海參
鮮味醬帶子炒飯
滋潤椰汁燉花膠

雙色拼盤

雞絲粉皮~平日麻麻地食冷盤~ 但我超級鍾意食lei 個! 因為佢d 粉皮同埋d 芝麻醬mix 埋好好食, 好爽口ar!!

海蜇青瓜:佢將海蜇切到一粒粒撈埋d 青瓜一樣~ 唔錯~
翡翠海皇羹: 佢係一盅盅沙羹, 食到好多切左細細粒ge 帶子肉同埋菜絲~味道okay
霸王小籠包(4個)
皮好薄~筷子技術唔多得~一夾就漏梗汁~ 幾好食唔錯


宮爆蝦球

唔'好'蝦ge 我~都好鍾意食lei粒蝦球~入面隻大蝦咬落去係啖啖肉ka!同埋佢個醬汁係我鍾意咕嚕肉0個隻酸甜醬~ 唔錯



京蔥燒海參: 好味個醬~ 咸得黎好有薑味, 同埋個西蘭花炒得幾好食(好有蒜味)~唔會太硬又唔會太林,反而主角海參煮得唔太入味

鮮味醬帶子炒飯: 其實係福建炒飯~不過都唔差

滋潤椰汁燉花膠: 唔好椰汁ge 我~ lei 隻 椰汁又okay wo~ 不過佢所謂ge 燉花膠, 我以為好似平日媽味煲湯0個d 一塊塊ge 花膠...點知原來係得一粒...都睇唔出係咪真係花膠ge 花膠-,- 當飲椰汁好過

睇落去個餐唔算好多野. 但食完之後, 真係勁飽 ! 食物同環境都唔錯~ 唔怪得成日都咁多人等位la :)


地址:沙田沙田正街21-27號沙田廣場3樓50號舖
電話: 2696 2988


 


芒果芝士凍餅


夏天來啦啦啦
美味的凍餅出來了

放工回家竟然多了數隻芒果... !
一於來個芒果凍餅
上次小丸製作後令我一直口水直流

6 " 芝士餅餡
忌廉芝士 . . . 250g
牛油 . . . 50g
砂糖 . . . 35g
雞蛋 . . . 2隻 

芒果餡料
芒果 . . . 1隻
砂糖 . . . 30g
檸檬汁 . . . 半隻

餅底
消化餅干 . . . 60g
牛油溶液 . . . 30g


消化餅打碎, 愈碎愈好, 和 30g 的牛油溶液混合, 壓入 6" 的分離模中, 放入冰箱待用
芒果切粒粒, 加入 30g 砂糖用打蛋器攪拌至糊狀, 後加入檸檬汁拌勻待用
忌廉芝士切粒粒, 加入 50g 牛油, 用打蛋器混合, 完全混和後再加入 35g 砂糖
打入雞蛋, 一隻一隻放入, 打成糊狀後, 可以倒入芒果醬混和
取出剛才做好的餅底, 倒入芒果味芝士糊, 輕力拍拍分離模釋放多餘空氣
入 200 度爐焗 10 分鐘, 後轉 160 度焗 40 分鐘
如餅面已經黃金色, 可加張錫紙於面上保護免過份濃









餅面上的芒果醬, 是我後期製作加上去的
令外觀感覺更加美味 ^^ 而且可加重芒果味
適合我們這班芒果愛好者.. !

芒果醬的製作
芒果 . . . 1隻
砂糖 . . . 10g
檸檬汁 . . . 半隻

把以上材料用慢火煮溶, 大約 10 分鐘
待涼後便可淋在餅面