小食記 ** 元朗 B 仔榴槤糯米卷

好多人都怕食榴槤, 一聞到就 "臭臭臭"  hahaha
之不過, 喜歡 ge 人又會好沉迷, 食極都唔生厭架!
雖然如此, 大家食榴槤都唔可以太過火
因為......怕口臭? 唔係ya, 係因為榴槤都幾燥架...hehehe

其實我一直都未試過榴槤甜品, 唔知點解無呢種衝動
直到今晚...突然屎屎忽痕, 好想食下 B仔 ge 榴槤糯米卷
勝在我住新界地區, 去元朗? so easy  呵呵
我仲想講一講... 其實 B仔 根本無野好食, 所謂的 B仔涼粉, B仔船...
只不過係一堆生果堆埋一齊
多到 4 個人都唔知食唔食得哂......
不過, 我相信各花入各眼, 一定有捧場客, 如果唔係點會一直咁旺呢?
所以呢d 都係我個人意見ja! haha
反而, 我好鐘意佢 ge 魚旦 and 雞翼尖架
因為夠哂辣! 好好味
鐘意食小食 ge 朋友, 如果未去過, 有機會一定要try try 呀 ^^

講返我個榴槤糯米卷, 真係超好味 ♡
我直認我係 hard sale.......hehehe
因為真係好好味呀!
外皮 ge 糯米軟林林, 好香, 好有咬口! 一流
入面 ge 榴槤肉, 非常足料, 夠哂新鮮, 而且雪凍左, 另一番風味! 一一一流

真係愈講愈想食呀 呵呵

一盒有兩條, 可以幫你剪開, total 有 6 件
$35 一盒