我同小丸子好好彩, 細細個開始有機會食到!
我仲記得中學個陣, 間唔中會去惠康買架! 記憶中, 第二間超市係無, 得惠康先有
而且唔係成日都有貨, 一次買一盒大大盒, 都會好珍惜咁食
(雖然好味 ge 野....一開始...就一發不可收拾 XD )
以前只係買 十幾蚊 一盒, 而家?! 而家竟然搵唔到 tim!!
為左重拾呢種味道, 我同小丸子去過好多超市, 又不斷上網做 research....
發現好多網友都好懷念呢隻餅! 好希望買返
曾經見過 Market place 有, 買左返去先知... 味道, 口感, 形狀....都唔同 ge ! 被搵笨了
最近有朋友去左澳洲, 仲放左d 小食相係 facebook, 突然見到有隻餅, 好似我地搵左好耐 ge 熊仔餅 wor ! 所以就叫朋友買盒比我
今晚我帶埋佢出黎, 同小丸子一齊進行開光儀式........
結果..........
我地可以大大聲咁講, 無論樣貌, 味道, 口感.......
都同我地以前細個食 ge 一樣架 !!!!!
兩個傻瓜興奮到即刻大叫 hahaha
超可愛 ge 熊仔
好開心呀 yeah!
重拾兒時 ge 味道, 而且仍然仲咁好味
特別鳴謝係澳洲帶返黎比我ge 好朋友 hehe^^
沒有留言:
發佈留言